Navigation

Inhaltsbereich

Vus pudais leger il text qua sutvart.

U cliccar sin il maletg.

Alura cumpara il medem text.

 

Leichte Sprache 

 

Leichte Sprache

Purschidas per persunas cun impediments

En il chantun Grischun datti bleras purschidas per persunas cun impediments.

I dat purschidas per abitar, per lavurar e per il temp liber.

Las purschidas permettan differentas modas da sustegn.

Tschertas purschidas sustegnan fermamain.

Tschertas purschidas sustegnan mo in zic.

 

Qualitad

Il chantun Grischun controllescha questas purschidas.

Per il chantun Grischun lavura l'Uffizi chantunal dal servetsch social.

Collavuraturas e collavuraturs da l'Uffizi chantunal dal servetsch social fan visitas da surveglianza.

L'Uffizi chantunal dal servetsch social vuless chattar ora:

  • Pudais Vus As sentir bain en Vossa purschida?

  • È il sustegn bun?

 

Libertad da tscherner

I dat differentas pussaivladads d'abitar e da lavurar.

Vus pudais decider sezza/sez:

  • Tge purschida vulessas Vus?

  • Essas Vus cuntenta/cuntent cun la purschida actuala?ind Sie zufrieden mit dem jetzigen Angebot?

  • Vulais Vus utilisar in'autra purschida?

  • Vulais Vus utilisar anc dapli purschidas che fin ussa?

Vus pudais midar Vossa purschida.

Per exempel pudais Vus midar la plazza da lavur.

Per exempel pudais Vus midar Vossa situaziun d'abitar.

 

Abitar

Vus pudais tscherner da differentas purschidas.

Vus pudais abitar cun assistenza.

En ina chasa da dimora.

Quai sa cloma:

          abitar protegì.

Vus pudais er emprender a viver suletta/sulet.

Quai sa cloma:

          trenament d'abitar.

Ir tar la glista cun las purschidas dal "abitar protegì". (cliccar e scrollar vers engiu)

 

Vus pudais abitar suletta/sulet.

In'assistenta u in assistent vegn mintgatant sperasvi per As sustegnair.

Quai sa cloma:

          accumpagnament d'abitar u abitar assistì.

Ir tar la glista cun las purschidas dal "abitar assistì". (cliccar e scrollar vers engiu)

 

Abitar assistì:

Ir a la pagina d'internet da la Pro Infirmis dal Grischun

u tscherner il numer da telefon 058 775 17 17.

Ir a la pagina d'internet da l' Uniun grischuna d'agid

u tscherner il numer da telefon 081 252 23 52.

 

Lavurar

Vus pudais tscherner da differentas purschidas.

Vus pudais lavurar en ina structura dal di.

Ina structura dal di tutga tar ina chasa da dimora.

Assistentas ed assistents As pon adina gidar là.

I dat bleras differentas lavurs ed activitads:

  • zambregiar e dissegnar e far cun stgaina

  • chantar e giugar

  • ir a spass

  • cuschinar e nettegiar e far urden

  • e bleras autras pussaivladads

Quai sa cloma:

          structuras dal di protegidas

Ir tar la glista cun las purschidas da las "structuras dal di protegidas". (cliccar e scrollar vers engiu)

 

Vus pudais lavurar en in lavuratori.

Assistentas ed assistents As pon adina gidar là.

I dat bleras differentas lavurs.

Per exempel:

  • lavurar cun lain u cun metal

  • lavurar en in biro

  • lavurar en iert

  • lavurar en la furnaria

  • lavurar cun taila e cun palpiri

  • e bleras autras pussaivladads

Quai sa cloma:

          lavur protegida

Ir tar la glista cun las purschidas da la "lavur protegida". (cliccar e scrollar dal tuttafatg vers engiu)

 

Vus pudais lavurar en il 1. martgà da lavur.

En ina firma normala.

In'assistenta u in assistent vegn mintgatant sperasvi ed As sustegna.

La scheffa/il schef e las collavuraturas/ils collavuraturs en la firma pon er gidar.

Quai sa cloma:

          accumpagnament da lavur u plazza da lavur integrativa

Ir tar la glista cun las purschidas dal "accumpagnament da lavur". (cliccar e scrollar vers engiu)

Ir tar infurmaziuns davart la "plazza da lavur integrativa". (cun in film)

Per lavurar en il 1. martgà da lavur As sustegna Profil – Arbeit & Handicap

Ir a la pagina d'internet da Profil

u tscherner il numer da telefon 058 775 19 80.

 

Infurmaziuns

Vulais Vus vegnir a savair dapli?

Vus pudais dumandar la Pro Infirmis.

Pro Infirmis gida tar tut las dumondas concernent purschidas per persunas cun impediments.

Ir a la pagina d'internet da la Pro Infirmis dal Grischun

u tscherner il numer da telefon 058 775 17 17.

 

Ordaifer il chantun

Vus na chattais nagina lavur protegida u nagina plazza d'abitar protegida en il Grischun?

Alura pudais Vus abitar en moda protegida u lavurar en moda protegida en in auter chantun.

Nus As gidain gugent en chaussa. Telefonai simplamain.

Tscherni il numer da telefon 081 257 26 54.

 

Finanziaziun

Purschidas per persunas cun impediments survegnan daners dal chantun.

Vus pajais sezza/sez ina part dals custs d'abitar en la chasa da dimora.

Quai è sco la locaziun d'ina abitaziun u sco la cumpra dal da mangiar.

Quai sa numna dunsena ed alloschi.

 

Furmaziun e temp liber

Vus pudais frequentar curs.

En ils curs pudais Vus emprender insatge.

U Vus pudais far insatge cun autras persunas.

Per exempel:

  • cuschinar

  • emprender da star en per sasez

  • picturar e cuser

  • far massaschas

  • far musica

  • ir enturn cun il computer e cun l'internet

  • leger e scriver

  • ed anc auters temas

Ir a la pagina d'internet da la Pro Infirmis dal Grischun

u tscherner il numer da telefon 058 775 17 17.

Ir a la pagina d'internet da Procap Grischun

u tscherner il numer da telefon 081 253 07 07.

Ir a la pagina d'internet dad Insieme Cerebral

u tscherner il numer da telefon 058 250 40 38.

 

Mobilitad

Vus na savais betg ir suletta/sulet cun il tren u cun il bus?

Tuttina vulessas Vus far suletta/sulet in'excursiun u ina visita?

I dat viadis favuraivels cun il taxi per persunas cun impediments.

Ir a la pagina d'internet da Mobilita

tscherner il numer da telefon 081 250 58 40.

 

Cussegliaziun giuridica

Vus avais dumondas davart ils dretgs da persunas cun impediments?

U dumondas davart las assicuranzas.

Per exempel tar la renta da la AI.

U davart las prestaziuns supplementaras.

U davart meds auxiliars.

Procap e Pro Infirmis pon As sustegnair.

Ir a la pagina d'internet da la Pro Infirmis dal Grischun

u tscherner il numer da telefon 058 775 17 17.

Ir a la pagina d'internet da Procap Grischun

u tscherner il numer da telefon 081 253 07 07.

 

Cussegliaziun sociala

Pro Infirmis As sustegna tar ulteriuras dumondas.

Er sche Vus avais problems.

Ir a la pagina d'internet da la Pro Infirmis dal Grischun

u tscherner il numer da telefon 058 775 17 17.

 

Construir senza obstachels

Tar la Pro Infirmis datti il post da cussegliaziun da construcziun.

Il post da cussegliaziun da construcziun vuless metter ord via obstachels.

I duai dar uschè paucs obstachels sco pussaivel.

Ed uschè blers meds auxiliars sco pussaivel.

I dat fitg blers obstachels.

Ina stgala è in obstachel per persunas en ina sutga cun rodas.

Ina via gronda è in obstachel per ina persuna tschorva.

Ina chascha da brevs auta è in obstachel per ina persuna pitschna.

Il post da cussegliaziun da construcziun gida a construir correctamain.

Il post da cussegliaziun da construcziun gida er Vus.

Ir a la pagina dal post da cussegliaziun da construcziun da la Pro Infirmis

u tscherner il numer da telefon 058 250 26 28.