Il chantun sustegna las patrunas ed ils patruns che engaschan en lur manaschi ina collavuratura u in collavuratur cun impediments, cun contribuziuns e cun cussegls.

Renconuschientscha

La premissa per conceder contribuziuns è la renconuschientscha da la plazza da lavur integrativa tras il departament d'economia publica e fatgs socials (DES). La plazza da lavur integrativa sto esser adequata e l'assistenza tras la patruna u il patrun sto esser garantida. La purschida vegn renconuschida, sche la patruna u il patrun cumprova che l'impediment da la collavuratura u dal collavuratur basegna in accumpagnament e che la purschida promova l'integraziun da la collavuratura u dal collavuratur.

Calculaziun da las contribuziuns

L'import da la contribuziun a la patruna u al patrun vegn fixà en ina procedura da classificaziun. Per quest intent vegn fatg in scleriment a la plazza da lavur. Sin fundament d'ina intervista e d'in questiunari parzialmain standardisà vegn fixada l'autezza dal basegn da sustegn da la collavuratura u dal collavuratur cun impediments.

Annunzia

Duvrai per plaschair per l'annunzia il formular «Annunzia PLI23» e resguardai las indicaziuns en il «Fegl d'infurmaziun PLI23».

Video davart ina plazza da lavur integrativa

Co vesa quai ora en la pratica? - In lavurant ed in patrun or dal chantun Grischun discurran davart lur experientschas.