Patrunas e patruns pon sa laschar cussegliar gratuitamain, per stgaffir ina nova plazza da lavur per ina persuna cun impediments. La finamira da la cussegliaziun è quella d'analisar ils process en l'interpresa e da concentrar las lavurs da sustegn pli simplas (uschenumnà inclusive job design).

Per dumondas, tranter auter areguard l'engaschament, il salari, la capacitad da prestaziun u las assicuranzas socialas, stat a disposiziun ina hotline a las patrunas ed als patruns. La hotline vegn purschida en las linguas chantunalas tudestg e talian.

Durant in engaschament pon lavurantas e lavurants cun impediments e lur patrunas e patruns far diever dal sustegn d'in job coach. Ina furma da sustegn pli intensiva vegn garantida tras l'accumpagnament da lavur.