Zum Seiteninhalt

Visitas culturalas/spesas da viadi

Il chantun promova e sustegna visitas culturalas da classas da scola e sa participescha als custs per lavuratoris, per purschidas d'intermediaziun en museums e per occurrenzas da teater, da musica e da litteratura.

Criteris/imports da la contribuziun:
La contribuziun da la scola u da la vischnanca/corporaziun regiunala vegn sustegnida finanzialmain cun max. 50 % dals custs imputabels (meds da transport publics ed entradas) resp. cun ina contribuziun maximala da 400 francs.

Las dumondas ston vegnir drizzadas 3 emnas avant il cumenzament dal project a la suandanta adressa: Promoziun da la cultura dal Grischun, Loëstrasse 26, 7000 Cuira.
Il temp d'elavuraziun dura 2 emnas.

Per classa ed onn da scola dastga vegnir inoltrada mintgamai ina dumonda per visitas culturalas/spesas da viadi e per projects culturals.