Termins da chatscha
Register dals posts d'emissiun per las patentas da chatscha
Chatscha auta 2026
Dals 03-09-2026 fin e cun ils 13-09-2026
Dals 21-09-2026 fin e cun ils 30-09-2026
Chatscha bassa 2026
Dal 01-10-2026 fin ils 30-11-2026
Chatscha da guetta 2026
Dal 01-11-2026 fin ils 28-02-2027
Chatscha da capricorns 2026
Dals 05-10-2026 fin ils 08-11-2026
Ils dis d' exposiziun han lieu entaifer la perioda inditgada. En intginas colonias ha lieu in'admissiun en etappas resp. vegn la chatscha interrutta per plirs dis.
Chatscha speziala da tschiervs e da chavriels 2026
Tut tenor la regiun, dals 31-10-2026 fin e cun ils 20-12-2026 (mintgamai la mesemna, la sonda e la dumengia, max. 10 mezs dis per territori).
Chatscha auta 2027
Dals 03-09-2027 fin e cun ils 12-09-2027
sco er
dals 20-09-2027 fin e cun ils 30-09-2027
Retratga da patentas
Las patentas da chatscha pon vegnir retratgas a partir dals 15 d'avust en il center d'administraziun "sinergia" (Ringstrasse 10, 7000 Cuira) e tar ils posts d'emissiun en ils districts da chatscha senza daner contant.
En il center d'administraziun "sinergia" po la patenta er vegnir retratga e pajada en contant.
Premissa
En il chantun Grischun dastga ir a chatscha mo, tgi che ha reussì l'examen da qualificaziun per chatschadras e chatschaders en il chantun Grischun. Examens da chatscha d'auters chantuns u d'auters pajais na vegnan betg renconuschids.
Documents necessaris per retrair la patenta
- document d'identitad valaivel
- cudeschet da patentas
- mussament davart l'assicuranza da responsabladad prescritta da la lescha
- formular cun la conferma suttascritta persunalmain ch'i na sajan avant maun nagins motivs da refusa tenor l'artitgel 7 da la Lescha chantunala da chatscha, che l'arma da chatscha saja vegnida regulada persunalmain e che las indicaziuns davart il domicil fiscal sajan correctas
- conferma davart l'adempliment da l'obligaziun da tir per la chatscha / cumprova da la segirezza da culp
Obligaziun da tir / cumprova da la segirezza da culp
Tut las chatschadras ed ils chatschaders ston cumprovar mintga onn la segirezza da culp. Infurmaziuns davart l'obligaziun da tir per la chatscha chattais Vus sin la pagina d'internet da la Conferenza da las administraturas e dals administraturs da chatscha e da pestga da la Svizra e dal Principadi da Liechtenstein. Là chattais Vus er la glista la pli actuala dals implants da tir da chatscha cun tut ils stans da tir ch'èn situads en Vossa vischinanza e che dastgan emetter ina cumprova.
Infurmaziuns giuridicas davart l'obligaziun da tir resp. davart la cumprova da la segirezza da culp chattais Vus en l'Ordinaziun chantunala davart l'obligaziun da tir per la chatscha.
Pretschs da las patentas
Supplementarmain als pretschs inditgads sin la glista da pretschs vegn incassada ina taxa da chanzlia da 20.– francs.
Carta da giast
Las chatschadras grischunas ed ils chatschaders grischuns han il dretg da laschar participar durant maximalmain 2 dis in giast a lur chatscha auta, e quai il pli baud a partir dals 3 da settember 2025. Per quest intent sto vegnir retratga ordavant ina carta da giasts. Il giast dastga exercitar la chatscha mo en accumpagnament da la chatschadra ospitanta u dal chatschader ospitant. La selvaschina sajettada vegn quintada tar il contingent da preda da la chatschadra ospitanta u dal chatschader ospitant. In giast po retrair cartas da giasts (mintgamai maximalmain duas) tar pliras chatschadras ospitantas e plirs chatschaders ospitants.
Patentas d'onur
Las chatschadras ed ils chatschaders che han acquistà tut en tut 50 patentas da chatscha auta resp. bassa, pon dumandar ina patenta d'onur gratuita per la chatscha auta resp. bassa. La dumonda po vegnir inoltrada sut il suandant link:
Formular patentas d'onur
Suenter la controlla che las premissas sajan ademplidas, po la patenta d'onur vegnir retratga gratuitamain tar il post d'emissiun da patentas giavischà.
Bon per ina patenta da chatscha
Text hier Vulais Vus en in'occurrenza laschar trair la sort per ina patenta da chatscha u regalar ina patenta da chatscha auta u bassa ad in confamigliar resp. enconuschent? En quest cas pudais Vus empustar in bon correspundent sur quest link:
Bon per ina patenta da chatscha
Il bon sto pir vegnir pajà suenter ch'el è vegnì utilisà resp. suenter che las premissas da la persuna che va a chatscha èn vegnidas examinadas.