Quint da la taglia da traffic per l'onn suandant (quint da taglia annual)

Sche Vus deponis ils numers d'immatriculaziun fin la fin da l'onn current (il pli tard ils 31 da december), na stuais Vus betg pajar la taglia da traffic per l'onn suandant; en quest cas pudais Vus dismetter il cedel da pajament. Sche Vus avais numers d'immatriculaziun transferibels e vulais metter ord circulaziun in dals dus vehichels, ans stuais Vus trametter il document dal vehichel correspundent per l'annullaziun fin il pli tard ils 31 da december.

Meds legals cunter la taxa sin il traffic da camiuns pesants

Cunter quints concernent taxas sin il traffic da camiuns pesants poi vegnir fatg recurs entaifer 30 dis dapi la communicaziun tar l'Uffizi federal da la duana e da la segirezza dals cunfins (UDSC) a Berna.

Cundiziuns da pajament

Per l'assegn As supplitgain nus da duvrar mo il cedel da pajament dal quint. Sche Vus pajais il quint sur l'internet, endatai per plaschair il numer da referenza cumplet en il champ respectiv.

Pajaments da l'exteriur anora

Retschavider: Uffizi per il traffic sin via dal chantun Grischun, Ringstrasse 2, 7000 Cuira

IBAN: CH76 0900 0000 7000 1499 2

BIC: POFICHBEXXX

Institut da finanzas: PostFinance SA, Mingerstrasse 20, 3030 Berna, Svizra

Restituziun d'in dabun

Voss dabun vegn resguardà a chaschun d'ina proxima facturaziun. Sche Vus giavischais tuttina in pajament e n'avais betg anc annunzià ina relaziun postala u bancara (clearing, numer dal conto / IBAN), As supplitgain nus d'ans communitgar quella en scrit u per il formular online. Ina communicaziun en scrit duvrain nus, sche la possessura u il possessur dal conto n'è betg quella persuna ch'è menziunada sin quest avis da bunificaziun, u per pajaments a l'exteriur. Las taxas d'assegn per pajaments a l'exteriur van a quint dal retschavider.