En la cussegliaziun sociala vegnan tschertgadas soluziuns per problems persunals, famigliars u finanzials. En il center stat qua il discurs persunal tranter la persuna che tschertga agid e la cussegliadra resp. il cussegliader. La cussegliadra u il cussegliader As gida a chattar la via entaifer las instituziuns, las directivas e las pussaivladads da sustegn. La finamira è quella d'As sustegnair en la tschertga da soluziuns per Voss problems. Nus numnain quai agid per gidar sasez.

Ils servetschs socials regiunals e lur partenaris As cusseglian davart ils suandants temas:

• Abitar e suttetg
• Lavur ed integraziun professiunala
• Cussegliaziun da budget e da debits
• Giuvenils e persunas giuvnas creschidas
• Famiglia ed educaziun
• Partenadi
• Gravidanza
• Persunas sur 65 onns
• Persunas cun impediments

Las cussegliaziuns èn gratuitas e confidenzialas.

Avais Vus dumondas u problems? Fixai in termin da cussegliaziun. As drizzai per plaschair al servetsch social regiunal da Vossa regiun u directamain al post da cussegliaziun correspundent.

Survista dals servetschs socials regiunals en il chantun Grischun