Ils Centers da cussegliaziun sociala e lur partenaris As cusseglian en dumondas davart il tema abitar e suttetg. Els As gidan a mantegnair Voss spazi d'abitar integrond las vischinas ed ils vischins sco er ils conturns, promovan Vossa cumpetenza d'abitar ed intermedieschan en cas da conflicts. Ultra da quai intermedieschan els alloschis d'urgenza.

Per persunas cun sustegn dal maun public dispona la vischnanca cumpetenta da directivas per ils tschains da locaziun. En quellas vegn fixada l'autezza dals tschains da locaziun che vegnan surpigliads en il rom da l'agid social economic. Sche Vus avais dumondas davart las directivas per ils tschains da locaziun en connex cun l'agid social, As drizzai per plaschair directamain a Vossa vischnanca da domicil.

Contact

Avais Vus dumondas u duvrais Vus sustegn? Fixai in termin da cussegliaziun. As drizzai per plaschair al Center da cussegliaziun sociala da Vossa regiun.

Survista dals Centers da cussegliaziun sociala en il chantun Grischun