Cuntegn da la pagina

Infurmaziuns per vischnancas e partenaris

Concept "Cussegliaziun sociala en il chantun Grischun"

Il concept "Cussegliaziun sociala en il chantun Grischun" mussa las finamiras e las incumbensas che la cussegliaziun sociala ademplescha en il chantun Grischun.

En il Grischun liquideschan oz principalmain ils servetschs socials dal chantun l'incumbensa da la cussegliaziun sociala. Il USo maina quests servetschs socials. Dapi il 1. da schaner 2016 finanzieschan las vischnancas la cussegliaziun sociala. Perquai dastgassan las vischnancas avair en l'avegnir dapli interess per la cussegliaziun sociala e vulair surpigliar questa incumbensa. La finamira dal concept è quella da mussar a las persunas interessadas tge ch'il champ d'incumbensas "cussegliaziun sociala" cumpiglia e tge pretensiuns ch'i vegnan fatgas envers las furnituras ed ils furniturs da questas prestaziuns.

Concept "Cussegliaziun sociala en il chantun Grischun"

Obligaziun da restituziun dal chantun d'origin

Ils 8 d'avrigl 2017 è la revisiun parziala da la lescha federala davart la cumpetenza per il sustegn da persunas basegnusas (lescha da sustegn, LSus; CS 851.1) entrada en vigur. Cun la revisiun parziala è vegnida abolida l'obligaziun da restituziun dal chantun d'origin.