En il sectur dal sustegn finanzial datti differents sistems. L'agid social economic è l'ultima rait da la segirezza sociala e garantescha il minimum d'existenza. Avant che l'agid social economic vegn pajà, vegni examinà, sche tut las autras prestaziuns d'agid finanzialas sco per exempel ils daners da dischoccupaziun, ils stipendis u las rentas èn vegnidas dumandadas. Quai è il princip da subsidiaritad. Nossas collavuraturas e noss collavuraturs sclereschan tranter auter, sche Vus avais il dretg da survegnir ina da las suandantas prestaziuns:

• Pajament anticipà d'aliments
• Contribuziuns da maternitad
• Contribuziuns da las assicuranzas socialas
• Prestaziuns supplementaras (PS) ordinarias ed extraordinarias
• Reducziun individuala da las premias (reducziun da las premias da las cassas da malsauns) 
• Contribuziuns da scolaziun (p.ex. stipendis) 
• Contribuziuns d'utilitad publica

Sch'i n'exista nagin dretg da survegnir autras prestaziuns ubain sche quellas n'èn betg disponiblas a temp, vegn pajà l'agid social economic.

• Agid social economic
• Agid social per Svizras e Svizzers a l'exteriur