Ils Centers da cussegliaziun sociala porschan a giuvenils ed a persunas giuvnas creschidas da 15 fin 25 onns cussegliaziun psicosociala, agid e sustegn per vegnir a frida cun dumondas e problems specifics da la vegliadetgna, e quai sin basa voluntara.

Els cusseglian en cas da problems famigliars, da dumondas davart relaziuns e davart il senn, da problems finanzials e da debits, da dumondas dal budget sco er da problems cun la scolaziun u cun la lavur.

Els infurmeschan davart la tschertga da lavur, davart la tschertga d'ina abitaziun, davart ils daners da giaglioffa, davart stipendis, davart dumondas giuridicas e davart dumondas en connex cun las assicuranzas socialas.

Contact

Avais Vus dumondas u duvrais Vus sustegn? Fixai in termin da cussegliaziun. As drizzai per plaschair al Center da cussegliaziun sociala da Vossa regiun.

Survista dals Centers da cussegliaziun sociala en il chantun Grischun