Navigaziun principala

Cuntegn da la pagina

Finanziaziun da relaziuns da tgira en famiglia

Geniturs da tgira senza organisaziun per il plazzament d'uffants en famiglias (OPUF)  

Ils geniturs da tgira han il dretg da survegnir ina indemnisaziun adequata sco daners da tgira. L'import dals daners da tgira vegn calculà tenor il basegn da l'uffant confidà e betg tenor la capacitad finanziala dals geniturs biologics u tenor la scolaziun dals geniturs da tgira. Per reglar la finanziaziun è cumpetent il post ch'è responsabel per il plazzament da l'uffant da tgira (p.ex. ils geniturs da l'uffant ubain la procuratura u il procuratur).

Valair valan las directivas davart ils daners da tgira dal chantun Grischun. Quellas na duessan betg vegnir sutpassadas e na dastgan betg vegnir surpassadas. L'activitad sco geniturs da tgira vala sco activitad da gudogn. Suenter la deducziun da las spesas ston vegnir pajadas per ils daners da tgira contribuziuns a las assicuranzas socialas. Tut tenor la relaziun da tgira vegn il rendaquint fatg da la curatella professiunala, da la vischnanca u da l'organisaziun per il plazzament d'uffants en famiglias.

Documents

Directivas davart ils daners da tgira

Formular per ils daners da tgira (mo per tudestg)

Model d'in contract da tgira

Fegl d'infurmaziun concernent l'obligaziun da pajar contribuziuns da l'institut d'assicuranza sociala dal Grischun (mo per tudestg)

Administraziun da taglia Pratica davart las entradas or da la tgira d'uffants

Famiglias da tgira che collavuran cun in'organisaziun per il plazzament d'uffants en famiglias (OPUF)

Ils geniturs da tgira èn emploiads da las organisaziuns per il plazzament d'uffants en famiglias. En lur concepts reglan las OPUF l'indemnisaziun dals geniturs da tgira. La taxa per di na dastga betg surpassar la taxa maximala fixada da la regenza dal chantun Grischun.