Vegns ti pluntada u pluntà?

Vegns ti smanatschada u smanatschà?

Vegns ti offendida u offendì cun pleds?

Ta tutgan auters en ina moda che ti na vuls betg?

Nagin na dastga far quai. Er betg tes geniturs, tes fragliuns u autras persunas da la famiglia. Sche insatgi metta maun vi da tai, èsi impurtant che ti vas per agid. Violenza en la famiglia è scumandada.

En il cas d'urgenza, sche ti has tema e na ta sentas betg pli segira u segir: Cloma la polizia (telefon 117). Ella è adina cuntanschibla.

Sche ti dovras agid, telefonescha al numer 147. Las persunas dal telefon 147 cusseglian uffants e giuvenils che dovran agid. Ellas èn adina cuntanschiblas. Sin lur pagina d'internet chattas ti dapli infurmaziuns: www.147.ch.

Sche insatge nausch è capità, cloma l'Agid a victimas dal Grischun sut il numer +41 81 257 31 50. Sin sia pagina d'internet chattas ti dapli infurmaziuns: Agid a victimas dal Grischun.

En tgi has ti confidenza? Ti pos er ta drizzar a tia magistra u a tes magister u ad in'autra persuna da tia confidenza.

Discurra surlonder e dumonda agid.

En quest video vegn declerà, tge che violenza a chasa è e tge agid ch'i dat persuenter: