Cuntegn da la pagina

Interpresas culturalas

Indemnisaziun per lavur reducida

Vus pudais far ina dumonda da survegnir ina indemnisaziun per lavur reducida. Infurmaziuns latiers ed ils formulars chattais Vus qua: https://www.gr.ch/DE/institutionen/verwaltung/dvs/kiga/Seiten/home.aspx

 

Indemnisaziuns da la perdita per interpresas culturalas

Interpresas culturalas duain pudair survegnir sin dumonda ina indemnisaziun per il donn finanzial che resulta en spezial pervia da l'annullaziun u dal spustament d'occurrenzas e da projects resp. pervia da serradas da manaschis. L'indemnisaziun da questas perditas cuvra maximalmain 80 pertschient dal donn finanzial. La Confederaziun surpiglia la mesadad dals custs ch'il chantun conceda. Cumpetenta per exequir l'indemnisaziun da la perdita per interpresas culturalas è la Promoziun chantunala da la cultura.

Las indemnisaziuns da la perdita tenor l'Ordinaziun davart COVID-19 cultura èn subsidiaras envers autras pretensiuns da las artistas e dals artists. Ellas cuvran pia ils donns che n'èn betg cuvrids autramain (p.ex. tras in'assicuranza privata e tras assicuranzas socialas).

L'indemnisaziun da la perdita cuvra quels donns ch'èn resultads tranter ils 28 da favrer 2020 ed ils 20 da settember 2020. Far valair pon ins er ils donns per occurrenzas ch'èn vegnidas annulladas tranter ils 28 da favrer 2020 ed ils 20 da settember 2020, che avessan dentant gì lieu avant ils 31 d'october 2020.

Infurmaziuns detagliadas pon vegnir consultadas en l'Ordinaziun davart COVID-19 cultura ed en las explicaziuns correspundentas.

Questas dumondas ston vegnir inoltradas fin il plii tard ils 20 da settember 2020 per e-mail (corona@afk.gr.ch) u per posta (Promoziun da la cultura dal Grischun, Loëstrasse 26, 7000 Cuira).