Zum Seiteninhalt

Cussegliaziun

Persunas privatas

Ultra da la cataloghisaziun e da la preparaziun d'archivalias è la cussegliaziun in ulteriur servetsch impurtant da l'archiv dal stadi.

Vus pudais contactar nunliantamain l'archiv dal stadi directamain al lieu, per e-mail ubain per telefon (++41 (0)81 257 28 03).

Nus As sustegnain gugent tar l'utilisaziun dals differents instruments da retschertga. Plinavant As cussegliain nus en dumondas da l'istorgia grischuna, da la genealogia sco er da l'eraldica.

Cunter ina indemnisaziun faschain nus – sche las resursas èn avant maun – er transcripziuns e retschertgas pli voluminusas.

Administraziun chantunala

Perquai che l'archiv dal stadi sa chapescha sco center da cumpetenza per il manaschament da documents, per la gestiun dals documents e da las actas (records management) sco er per l'archivaziun da documents analogs e pli tard eventualmain er da documents digitals, survegn la cussegliaziun prearchivara dals posts da servetsch ina gronda impurtanza.

 

Archivs communals, cirquitals e districtuals    

Tar las incumbensas da l'archiv dal stadi tutga er la cussegliaziun da las vischnancas, dals circuls, dals districts e d'autras instituziuns dal dretg public en quai che concerna la gestiun da las actas e l'archivaziun.

Per quest intent è il territori chantunal dividì en 9 inspecturats d'archiv. Ad uffizis ed ad autoritads respundan las inspecturas ed ils inspecturs d'archivs sco era il persunal da l'archiv dal stadi gugent dumondas davart l'archivaziun (persunas da contact).

Ulteriuras infurmaziuns (ordinaziun, fegls d'infurmaziun, models) chattais Vus sut la rubrica documentaziun.