Navigation

Inhaltsbereich

Qua sutvart vegnan menziunadas las cundiziuns per utilisar l'archiv dal stadi. Infurmaziuns davart las archivalias che sa chattan en l'archiv dal stadi chattais Vus sut il chapitel Retschertgas. 

Urden da diever e da taxas

L'archiv dal stadi dal Grischun è accessibel a mintgina ed a mintgin. Infurmaziuns davart las cundiziuns d'utilisaziun chattais. Vus en l'urden da diever.  La sala da lectura stat gratuitamain a disposiziun a las utilisadras ed als utilisaders durant las uras d'avertura. Indicaziuns davart ils custs per ils servetschs da l'archiv dal stadi chattais Vus en l'urden da taxas.

Utilisar la biblioteca da preschientscha

La biblioteca da consultaziun sa chatta en la sala da lectura ed è accessibla cun agid da la tezlera en la sala da lectura e dal catalog online. Ils cudeschs da la biblioteca da consultaziun na vegnan betg emprestads a persunas privatas; ets pon sulettamein vegnir consultà en sala da lectura.

Empustar prender invista, e citar da las archivalias

Archivalias che n'èn betg suttamessas ad in temps da protecziun pon vegnir empustads directamain en l'archiv dal stadi u ordavant (info@sag.gr.ch). In emprest n'è betg pussaivel. In fegl d'infurmaziun explitgescha co ins citescha las archivalias.

Utilisar ils apparats per leger microfilms

En l'archiv dal stadi stattan a disposiziun dus apparats per leger microfilms. Quels ston vegnir reservads ordavant sut 081 257 28 03 u info@sag.gr.ch.

L'utilisaziun dals apparats per leger microfilms vegn messa a quint.

Far reproducziuns

Resguardond il temp che archivalias èn bloccadas per l'access public èsi pussaivel da far fotocopias, fotografias analogas e digitalas, microfilms sco er scans da documents. Copias or da cudeschs da la biblioteca da consultaziun pon vegnir fatgas sez. Fotocopias d'archivalias vegnan fatgas dal persunal da l'archiv dal stadi. L'administraziun da l'archiv po scumandar da reproducir archivalias periclitadas. Fotografar archivalias dastgais Vus mo cun il consentiment dal persunal.

Utilisai per plaschair noss formular d’empustaziun per reproducziuns d’archivalias.

Sche Vus avais dumondas en chaussa, As gidain nus gugent (persunas da contact).