Ils examens d'admissiun 2027 per entrar en ina scola da talent grischuna han lieu sco suonda:
Termin da l'examen: mesemna, ils 3 da favrer 2027
Lieu d'examen: Scola Fortuna Cuira
Termin d'annunzia: dal 1. d'october fin ils 30 da november
Inoltraziun da las confermas da l'associaziun chantunala: fin ils 24 da schaner 2027

L'annunzia (persunalias, indicaziuns davart la scola e davart il sectur da talent, garanzia ch'ils daners da scola da candidatas e da candidats extrachantunals vegnian surpigliads) sto vegnir fatga online. Annunzias inoltradas memia tard na vegnan betg resguardadas.

En cas da malsogna u da blessuras sto vegnir inoltrà in attestat dal medi dad ACTIVDISPENS®. Il formular da dispensaziun chattais Vus qua.

Dumonda da cumpensaziun dals dischavantatgs (p.ex. legastenia) tenor la disposiziun da l'uffizi nr. 305 dals 29 da fanadur 2013: Per plaschair inoltrar per posta u sco agiunta l'expertisa dal medi u dal servetsch psicologic da scola (resguardar l'ultim termin d'annunzia). Dumondas inoltradas memia tard na vegnan betg resguardadas.

I vegnan acceptadas mo confermas da l'associaziun chantunala grischuna (sport u musica) u d'ina associaziun surordinada (interregiunala, naziunala), sche l'annunzia è vegnida inoltrada ordavant a temp. Tgi ch'è s'annunzià ad ura, vegn clamà a temp da sia associaziun chantunala per giuditgar e per far la valitaziun dal talent pretendida.

La taxa d'examen importa 200.– francs. Ella vegn messa a quint a las candidatas admessas ed als candidats admess ensemen cun la clamada a l'examen.

 

Infurmaziuns detagliadas davart l'examen dattan ils documents qua sutvart

L'examen d'admissiun vegn preparà, manà tras e valità d'ina gruppa directiva. Ella prenda er las decisiuns concernent l'admissiun u l'inadmissiun a l'examen d'admissiun respectivamain concernent la reussida u la nunreussida da l'examen d'admissiun. L'uffizi per la scola populara ed il sport nominescha las commembras ed ils commembers da questa gruppa directiva.

_________________________________________________________________________________________________________________________________________________________

Nova procedura d'admissiun 2027

Cun resalva da la permissiun tras la regenza vegn la procedura d'admissiun adattada en ils suandants puncts:

• Da nov giuditgescha la persuna da coordinaziun da la scola da talent giavischada la motivaziun da prestaziun e la necessitad d'ina soluziun da scola speziala.
• Empè d'ina decisiun d'admissiun a l'examen, ad ina decisiun d'examen ed ad ina decisiun d'admissiun vegn prendida ina decisiun d'admissiun da la scola prendida en mira.

• L'integraziun vegn fatga tenor la glista da prioritads da la cumissiun spezialisada, uschè ditg che plazzas èn disponiblas.

_________________________________________________________________________________________________________________________________________________________

Dossier d'exercizis

Versiun dals 14.10.2026