Navigaziun principala

Cuntegn da la pagina

Etnograficas

Il Grischun talian en film ed en tun

En la collecziun Grischun talian en film ed en tun vegnan resumadas contribuziuns che s'occupan da la caracteristica linguistica u culturala dal Grischun talian u che dattan ina survista istorica da l'istorgia dal Grischun talian. Dal Grischun talian fan part las vischnancas da las Vals dal sid dal Grischun, en las qualas i vegn discurrì principalmain talian: la Bregaglia, la Val Calanca, il Mesauc, il Puschlav sco er Beiva. Il talian furma la cuminanza linguistica la pli pitschna dal chantun Grischun triling.

Vinavant tar la collecziun

Rumantschas e Rumantschs en film ed en tun

En la collecziun 'Rumantschas e Rumantschs en film ed en tun' vegnan resumadas contribuziuns che s'occupan da la caracteristica linguistica u culturala da las Rumantschas e dals Rumantschs u che dattan ina survista istorica da l'istorgia da las Rumantschas e dals Rumantschs. Il rumantsch dal Grischun vegn sutdividì en 5 idioms cun mintgamai in'atgna lingua da scrittira: sursilvan en la Val dal Rain anteriur ed en la Lumnezia, sutsilvan en parts da l'intschess dal Rain posteriur (Schons, Tumleastga), surmiran en la Val d'Alvra (Sutsés) ed en il Surmeir (Sursés), puter en l'Engiadin'ota e vallader en l'Engiadina bassa inclusiv la Val Müstair. Dasperas exista – cun il rumantsch grischun ch'è vegnì creà l'onn 1982 – ina lingua da scrittira unifitgada.

Vinavant tar la collecziun

Gualsras e Gualsers en film ed en tun

En la collecziun 'Gualsras e Gualsers en film ed en tun' vegnan resumadas contribuziuns che s'occupan da la caracteristica linguistica u culturala da las Gualsras e dals Gualsers u che dattan ina survista istorica da l'istorgia da las Gualsras e dals Gualsers. Las Gualsras ed ils Gualsers èn puras e purs da muntogna (inclusiv lur descendenza) che han bandunà sco colonisaturs vers la fin dal temp autmedieval il Vallais sura e che han fundà novs abitadis en vasts territoris da l'Artg alpin, quella giada per gronda part rumantschs. Sco caracteristica culturala da las Gualsras e dals Gualsers po vegnir considerà lur dialect ch'è per gronda part sa mantegnì.

Vinavant tar la collecziun