Zum Seiteninhalt

Premissas

Per che Vossa dumonda per ina contribuziun da la promoziun da la cultura dal Grischun possia vegnir tractada, sto il project ademplir las suandantas premissas:
 
- L'instituziun responsabla e/u il project han in connex adequat cun il chantun Grischun.
- Il concept da finanziaziun è stringent ed equilibrà, quai vul dir, vischnancas, 
  fundaziuns, sponsuras e sponsurs, persunas privatas e.u.v. sa participeschan en 
  moda cunvegnenta ed i vegnan furnidas atgnas prestaziuns.
- Il project è accessibel publicamain per la generalitad.
- La dumonda è cumpletta.
- Ils termins èn vegnids observads.


Contribuziuns na vegnan betg pajadas per:

- projects ch'èn gia terminads il mument da la decisiun;
- projects ch'èn gia vegnids sustegnids u che survegnan gia tenor la lescha ina 
  contribuziun d'in auter post statal (subvenziun dubla);
- projects che vegnan prioritarmain realisads en il rom da la scolaziun (bachelor, 
  master, dissertaziun e.u.v.), da la producziun da meds d'instrucziun, da la lavur da 
  publicitad, da la promoziun dal turissem u da la promoziun da l'economia;
- mesiras architectonicas/infrastructura;
- projects che vulan principalmain far profit.