Zum Seiteninhalt

Persunas admessas provisoriamain (permissiun F / l'art. 85 LEI)

En general

Tar las persunas admessas provisoricamain en Svizra ston ins distinguer tranter las suandantas duas categorias:


Persunas estras admessas provisoricamain
In'admissiun individuala provisorica vegn disponida suenter ina decisiun d'asil negativa, sche la partenza da la persuna refusada en ses pajais d'origin n'è betg pussaivla, betg supportabla u betg admissibla.

Fugitivas e fugitivs admess provisoricamain
Ina persuna estra vegn admessa provisoricamain sco fugitiva u sco fugitiv, sch'ella ademplescha la qualitad da fugitiva u da fugitiv, ma sch'i na la po betg vegnir dà asil, perquai ch'ella è indegna pervia d'acziuns dischapprovablas u perquai ch'ella ha violà u periclitescha la segirezza interna u externa da la Svizra.

Premissas

Tut las persunas admessas provisoricamain sco er las fugitivas ed ils fugitivs admess provisoricamain dastgan da princip surpigliar in'activitad da gudogn.

Cumpetenzas / proceder per cumenzar in'activitad da gudogn

Persunas admessas provisoricamain e fugitivas e fugitivs admess provisoricamain (legitimaziun F) dastgan pratitgar in'activitad da gudogn. Dapi il 1. da schaner 2019 basta per quai in'annunzia simpla. Quai duai promover l'integraziun svelta en il martgà da lavur. La procedura da permissiun na sto pia betg pli vegnir applitgada.
Il formular per annunziar in'activitad da gudogn da fugitivas e fugitivs admess provisoricamain e da persunas admessas provisoricamain (legitimaziun F) chattais Vus qua: https://www.sem.admin.ch/sem/de/home/themen/arbeit/erwerbstaetige_asylbereich.html (DE)