Las entradas, la professiun e la posiziun professiunala defineschan grondamain il standard da viver, la segirezza materiala, ils contacts socials ed il status en la societad d'ina persuna. Ultra da la famiglia, dal sistem da furmaziun e dal stadi social è il martgà da lavur perquai ina instanza centrala per repartir ils privilegis ed ils dischavantatgs socials.
Egualitad da las schanzas en la vita professiunala signifitga che dunnas ed umens na subeschan nagina discriminaziun pervia da lur schlattaina. Precis questa discriminaziun scumonda la lescha federala davart l'egualitad da dunna ed um.
Repartiziun de la lavur
Il mund da lavur, en il qual dunnas ed umens sa movan, è marcantamain different. L'onn 2016 ha la populaziun permanenta da la Svizra ch'è sur 15 onns veglia, lavurà var 17,1 milliardas uras, da quellas 9,2 milliardas uras senza paja e 7,9 milliardas uras cunter paja. Dunnas han prestà circa 62 % da la lavur betg pajada, umens 62 % da la lavur pajada.
Statistik BFS: unbezahlte Arbeit
Relaziuns da lavur inegualas
Schebain ch'il nivel da scolaziun da las dunnas s'assimilescha adina pli fitg a quel dals umens, han las dunnas ina mendra posiziun en l'activitad da gudogn pajada. Per il pli lavuran ellas a temp parzial. Quai diminuescha lur schanzas da far carriera. Per ina lavur equivalenta survegnan ellas pajas pli bassas. E principalmain èn quai dunnas che lavuran en champs da lavur cun pitschnas pajas ed en relaziuns da lavur precaras.
Tge faschain nus
I na duess betg dar mo ina, mabain bleras vias individualas pussaivlas per concepir l'atgna activitad da gudogn e la cumpatibilitad da la famiglia cun la vita privata e cun la professiun, senza che quai chaschunia dischavantatgs specifics da schlattaina. Per che questas pussaivladads daventian visiblas e possian vegnir tschernidas mettain nus en dumonda stereotips usitads, inditgain circumstanzas e structuras discriminantas e mussain soluziuns pussaivlas ad interpresas ed a lavurantas e lavurants.
Dapli davart il tema
Frauen und Gleichstellungsatlas Schweiz
Stiftung zur Erforschung von Frauenarbeit, Zürich
FrauenArbeit. Beiträge zur Frauen- und Geschlechtergeschichte Graubündens im 19. und 20. Jahrhundert. Hrsg. S. Redolfi, S. Hofmann, U. Jecklin. Dritter Band der historischen Reihe Fraubünden. NZZ Verlag. 2006.
In unserer Bibliothek ausleihbar.