Ils geniturs adoptivs futurs ston pudair procurar per il bainstar e per ils basegns da l'uffant confidà. Lur qualificaziun vegn examinada dal post spezialisà per famiglias da tgira ed adopziuns per incumbensa da l'autoritad centrala chantunala per l'adopziun, e quai sin basa dals documents da dumonda detagliads, dals discurs e d'almain ina visita a chasa, e fixada en in rapport social. Per recepir uffants a partir da 4 onns èn las pretensiuns che vegnan fatgas envers geniturs adoptivs futurs pli grondas.

L'autoritad centrala chantunala per l'adopziun emetta in attest da qualificaziun, sche tut las premissas èn ademplidas. L'attest da qualificaziun vegn emess mo per in stadi e per in tschert profil d'uffant (vegliadetgna, stadi da sanadad, schlattaina). El n'è anc betg ina permissiun per pudair recepir in uffant.