Cuntegn da la pagina

Adopziun naziunala

Tar l'adopziun naziunala sa tracti d'ina adopziun d'in uffant che viva actualmain en Svizra. Per in'adopziun naziunala na datti nagina garanzia ch'ils geniturs da l'uffant èn burgais svizzers.

In'adopziun cuminaivla è pussaivla mo, sch'ils geniturs èn maridads. In'adopziun tras ina singula persuna è pussaivla, las premissas èn però fitg autas. Per in'adopziun naziunala ston esser ademplidas almain las suandantas premissas:

  • Ils geniturs adoptivs che candideschan ston ubain esser maridads dapi almain 3 onns ubain tuts dus avair almain 28 onns.
  • La differenza da vegliadetgna tranter ils geniturs adoptivs futurs e l'uffant sto esser almain 16 onns.
  • La differenza da vegliadetgna tranter ils geniturs adoptivs futurs e l'uffant na dastga da princip betg esser dapli che 45 onns.        
  • Ils geniturs biologics ston avair acceptà l'adopziun.
  • Ils geniturs adoptivs futurs ston viver durant almain 1 onn cun l'uffant adoptiv en la medema chasada e tgirar ed educar quel.