Tschertgais Vus in plaz da tgira en ina canorta d'uffants u en ina famiglia dal di? Qua chattan famiglias infurmaziuns davart differentas purschidas e davart la finanziaziun da la tgira d'uffants cumplementara a la famiglia.
Purschidas da tgira
Canortas d'uffants
La finamira da las canortas d'uffants è quella da rinforzar la cumpatibilitad da professiun e da famiglia e sco era da promover il svilup dals uffants. En ina canorta d'uffants vegnan tgirads ils uffants da la vegliadetgna prescolara. La gira po esser divididarepartida en blocsunitads d'in mez u d'in entir di. Durant il temp d'assistenza mangian ils uffants ils pasts usitadslas tschaveras sco usità (marendas, gentar) en la canorta d'uffants. Per la tgira en ina canorta d'uffants renconuschida vegnan concedidas reducziuns dals custs. Canortas d'uffants datti en tut las regiuns dal chantun Grischun:
Dapli infurmaziuns davart las canortas d'uffants chattais Vus qua.
Organisaziuns da geniturs dal di
Las organisaziuns da geniturs da di intermedieschan geniturs da di a famiglias ed accumpognan las relaziuns d'assistenza. Els sustegnan ils geniturs da di e las famiglias a far contracts da lavur e da gira. Plinavant recruteschan els novs geniturs da di ed organiseschan scolaziuns da basa sco era supplementaras.
Per ils custs da tgira tras ina famiglia dal di ch'è commembra d'ina organisaziun da geniturs dal di vegnan concedidas reducziuns.
Dapli infurmaziuns davart las uniuns da geniturs dal di chattais Vus qua.
Famiglias dal di privatas
Famiglias dal di privatas tgiran uffants tar els u a chasa tar las famiglias. Ellas n'èn betg affilià ad in'organisaziun da geniturs da di. Per quest motiv na vegnan concedidas naginas reducziuns dals custs.
Dapli infurmaziuns davart famiglias dal di privatas chattais Vus qua.
Gruppas da gieu
Gruppas da gieu èn purschidas che stattan a disposiziun durant intginas uras per uffants dal sectur prescolar a partir da 2 ½ onns fin a l'entrada en scolina. Ellas cumpiglian p.ex. gruppas da creativitad, da malegiar, da zambregiar, da musica, da guaud, da lingua, da natira e.u.v.
Las uras d'avertura d'ina gruppa da gieu importan maximalmain 30 uras per emna e maximalmain 3 uras ina suenter l'autra.
Ina gruppa da gieu porscha maximalmain trais sequenzas da tgira per emna per uffant. Il medem di dastga dentant avair lieu mo ina sequenza da tgira.
Gentars assistids e tgira da mezdi na vegnan per regla betg purschids. Purschidas che surpassan quest limit temporal valan sco canortas d'uffants. Per quellas dovri ina permissiun.
Las gruppas da gieu vegnan finanziadas tras contribuziuns dals geniturs e tras ulteriuras entradas. Per ils custs da tgira en gruppas da gieu na vegnan concedidas naginas reducziuns.
Dapli infurmaziuns davart gruppas da gieu chattais Vus qua.
Scola / vacanzas da scola
durant il temp da scola
Per uffants da scola a partir da la vegliadetgna da scolina porschan las vischnancas pli e pli savens ina tgira sur mezdi e durant il suentermezdi. Cumpetents en chaussa èn ils purtaders da scola. Infurmaziuns davart la purschida d'ina maisa da mezdi u d'ina canorta d'uffants da scola chattais Vus tar il purtader da scola da Vossa vischnanca .
Per ils custs da tgira durant il temp da scola na vegnan concedidas naginas reducziuns.
Tgira durant las vacanzas da scola
Durant las vacanzas da scola mettan singulas vischnancas a disposiziun purschidas da tgira per uffants da scola. Ellas vegnan organisadas durant singulas emnas u durant tut las vacanzas da scola. L'inspecturat da scola surveglia las purschidas.
Per ils custs da tgira durant las vacanzas da scola vegn la reducziun pajada directamain a la purschida da tgira. A las persunas responsablas per l'educaziun na vegnan concedidas naginas reducziuns dals custs per la tgira durant las vacanzas da scola.
Infurmaziuns davart las purschidas survegnis Vus dals purtaders da scola cumpetents. Actualmain mettan ils suandants purtaders da scola a disposiziun ina tgira durant las vacanzas.
Dapli infurmaziuns davart la scola resp. davart las vacanzas da scola chattais Vus qua.
Reducziun dals custs da tgira
Per la tgira en canortas d'uffants ed en organisaziuns da geniturs da di vegnan concedidas reducziuns dals custs. Il chantun calculescha l'autezza da la reducziun dal pretsch sin basa da las entradas suttamessas a la taglia e da la facultad da la famiglia. Quai vul dir: Tut las famiglias cun domicil en il Grischun survegnan – tut tenor lur entradas e tut tenor lur facultad suttamessas a la taglia – la medema reducziun da las premias – independentamain dal fatg, quant autas che las tariffas da las singulas purschidas da tgira èn. Famiglias cun entradas bassas survegnan pli autas reducziuns che famiglias che gudognan bain.
Infurmaziun per purschidas renconuschidas da la tgira d'uffants
Purschidas intrachantunalas
Per la tgira da canortas d'uffants e d'organisaziuns da geniturs da di renconuschidas en il chantun Grischun vegnan reducids ils custs. Ina purschida da tgira vegn renconuschida, sch'ella è confessiunalmain neutrala e betg limitada a tschertas gruppas, sch'ella ademplescha las directivas davart las tariffas e sch'ella correspunda a la planisaziun da las purschidas dal chantun.
Purschidas extrachantunalas
Per la tgira da canortas d'uffants e d'organisaziuns da geniturs da di admessas extrachantunalas vegnan reducids ils custs. Ina purschida da tgira extrachantunala vegn admessa, sch'ella metta a disposiziun al chantun las datas necessarias per exequir la lescha davart la promoziun da la tgira d'uffants cumplementara a la famiglia en il chantun Grischun e sche questa purschida vegn permessa da l'autoritad cumpetenta dal chantun respectiv, è confessiunalmain neutrala e betg limitada a tschertas gruppas.
Premissa per conceder reducziuns dals custs
En ils suandants cas survegnan las famiglias ina reducziun dal pretsch:
- L'uffant è domicilià en il chantun Grischun e vegn assistì en ina purschida renconuschida en il chantun Grischun.
- L'uffant è domicilià en il chantun Grischun e vegn tgirà en ina purschida extrachantunala.
- Las persunas responsablas per l'educaziun lavuran en il chantun Grischun, l'uffant ha ses domicil en l'exteriur vischin e vegn tgirà en ina purschida renconuschida en il chantun Grischun. En quest cas sto la vischnanca al lieu da lavur confermar ch'ella sa participeschia finanzialmain a la reducziun dal pretsch. Qua chattais Vus in model , per dumandar questa conferma.
La reducziun minimala vegn concedida senza dumonda ed a partir dal cumenzament da la relaziun da tgira, sche l'uffant ha ses domicil en il Grischun e nizzegia ina purschida renconuschida. Ina dumonda è necessaria, sche la reducziun dals custs duai surpassar il minimum, sche l'uffant vegn tgirà en ina purschida extrachantunala u sche persunas spezialisadas da l'exteriur vischin laschan tgirar lur uffants en il chantun Grischun. La dumonda sto vegnir inoltrada entaifer 30 dis suenter il cumenzament da la relaziun da tgira, per che la reducziun dals custs extendida vegnia pajada a partir dal cumenzament da la tgira. Sche la dumonda vegn inoltrada memia tard, vegn la reducziun extendida concedida a partir dal mais che suonda l'inoltraziun. Sur il calculatur online pon persunas ch'èn suttamessas a la taglia ordinaria examinar, lur dretg da survegnir ina reducziun da pretsch. La reducziun dals pretschs per las persunas obligadas da pajar la taglia a la funtauna calculescha l'uffizi dal servetsch social sin dumonda.
quint
Per conceder las reducziuns dals custs è vegnida sviluppada la software il quint. Suenter l'annunzia da l'uffant tar ina purschida da tgira renconuschida vegn fatga l'annunzia sur il quint a l'Uffizi chantunal dal servetsch social. Suenter survegnan las persunas responsablas per l'educaziun in e-mail cun l'invitaziun d'endrizzar in conto da quint e da dumandar la reducziun dals custs. Sch'igl exista gia in conto, vegn l'annunzia fatga sur quest login. Latiers vegn il video explicativ per famiglias.
KITAplus
La KITAplus pussibilitescha da sa participar a la tgira d'uffants cumplementara a la famiglia ad uffants cun in impediment. Il chantun surpiglia ils custs supplementars che resultan pervia da l'impediment. Ils geniturs d'in uffant cun impediments pajan ils custs da tgira regulars. Per l'admissiun en la canortaplus èn decisivs il basegn da tgira pli grond en la canorta d'uffants pervia da l'impediment ed il basegn dal persunal da tgira per il coaching e per l'intermediaziun da savida tras ina persuna spezialisada. En la canorta d'uffants sezza na vegn purschida – en il rom dal KITAplus – ni dal persunal da tgira ni tras l'educaziun prescolara pedagogic-curativa ina promoziun speziala en il senn terapeutic. Anzi, la canorta porscha conturns favuraivels. En cas d'ina dumonda decida la canorta d'uffants, sch'ella ha la capacitad da recepir in uffant cun impediments. Per lescha n'exista nagina obligaziun d'admissiun.