Navigaziun principala

Cuntegn da la pagina

Geniturs da di

Geniturs da di e grondas famiglias da di tgiran uffants tar els a chasa ubain en la chasa resp. en l'abitaziun dals geniturs dals uffants. Las infurmaziuns las pli impurtantas davart la permissiun e davart la finanziaziun da geniturs da di e da grondas famiglias da di che n'èn betg associads ad in'uniun da geniturs da di, avain nus resumà per Vus.

Geniturs da di – permissiun

Tgi che tgira il medem mument durant il di u la notg cunter indemnisaziun maximalmain trais uffants sut 12 onns sto s'annunziar.

Annunzia d'ina plazza da tgira da di

 

Ils geniturs ed ils geniturs da di fixeschan individualmain il temp e la tariffa d'assistenza. Per regla fan ils geniturs ed ils geniturs da di in contract d'assistenza. L'uffizi dal servetsch social metta a disposiziun in contract da model.

Contract da model per la tgira da di

Grondas famiglias da di – permissiun

Geniturs da di che tgiran il medem mument dapli che trais uffants da la vegliadetgna prescolara u scolara valan sco grondas famiglias da di. Els dovran ina permissiun. L'uffizi dal servetsch social è cumpetent per conceder la permissiun. Ultra da quai ha el la surveglianza.

Directivas per grondas famiglias da di (mo per tudestg)

Dumonda da permissiun per grondas famiglias da di (mo per tudestg)

Attest dal medi grondas famiglias da di (mo per tudestg)

Geniturs da di e grondas famiglias da di – finanziaziun

Las purschidas vegnan finanziadas tras las contribuziuns dals geniturs. Tant ils geniturs da di sco er las grondas famiglias da di ston observar las taxas maximalas che la regenza dal chantun Grischun ha fixà.