Zum Seiteninhalt

Relaschada or dal dretg da burgais

Dretg da burgais chantunal e/u communal
Persunas che possedan u che han survegnì la garanzia per in auter dretg da burgais chantunal e/u communal pon vegnir relaschadas or dal dretg da burgais chantunal e/u communal.

L'uffizi da migraziun e da dretg civil dal Grischun è cumpetent per la relaschada or dal dretg da burgais chantunal e/u communal.

La dumonda da relaschada sto vegnir inoltrada en scrit ensemen cun ils documents necessaris al uffizi da migraziun e da dretg civil dal Grischun.

Documents:
Ils documents na dastgan per regla betg esser pli vegls che sis mais. Sch'els n'èn betg avant maun en lingua rumantscha, tudestga, taliana u franzosa, ston els vegnir munids cun ina translaziun legalisada uffizialmain.

  • Documents da l'uffizi da stadi civil:
    Attest da stadi civil per persunas nubilas
    Attest da famiglia / certificat da famiglia per persunas maridadas, vaivas u divorziadas
  • Attestaziun ch'il dretg da burgais d'in auter chantun u d'in auter stadi saja garantì u vegnia concedì

 


Dretg da burgais svizzer

Persunas che n'han betg in domicil en Svizra e che possedan u che han survegnì la garanzia per in'autra naziunalitad pon vegnir relaschadas or dal dretg da burgais svizzer.
 
La relaschada vegn pronunziada da l'autoritad cumpetenta dal chantun d'origin. L'autoritad cumpetenta en il chantun Grischun è l'uffizi da migraziun e da dretg civil dal Grischun.

La dumonda da relaschada sto vegnir inoltrada ensemen cun ils documents necessaris a l'autoritad cumpetenta svizra en l'exteriur u directamain tar l'uffizi da migraziun e da dretg civil dal Grischun, partiziun dretg da burgais e dretg civil, Engadinstrasse 24, 7001 Cuira.

Documents:
Ils documents na dastgan per regla betg esser pli vegls che sis mais. Sch'els n'èn betg avant maun en lingua tudestga, taliana, franzosa, rumantsch u englaisa, ston els vegnir munids cun ina translaziun legalisada uffizialmain.

  • Documents da l'uffizi da stadi civil: :
    - Attest da stadi civil per persunas nubilas
    Attest da famiglia / certificat da famiglia per persunas maridadas, vaivas u divorziadas
  • Attestaziun ch'il dretg da burgais d'in auter stadi saja garantì u vegnia concedì
  • Attest da domicil dal stadi da domicil