Nodas-chasa
Nodas-chasa (numnadas er ensainas) èn segns persunals che renvieschan ad ina famiglia u ad ina persuna singula, e che sa chattan sin chasas, en stallas, sin bigls u funtaunas, sin mobiglias e sin urdains u iseglia. Cun questas nodas-chasa marcavan las famiglias lur possess pli baud. Nodas-chasa èn figuras geometricas che vegnan furmadas mo cun cumbinar stritgs.
Cartoteca da nodas-chasa
En l'Archiv dal stadi dal Grischun exista la collecziun la pli gronda da nodas-chasa da famiglias e da persunas grischunas. Ella è concepida en furma d'ina cartoteca ordinada alfabeticamain tenor il num da famiglia (ca. 10 000 cartas).
Las cartas cuntegnan las suandantas indicaziuns: num e prenum, vischnanca/lieu, abreviaziuns da las funtaunas e la noda-chasa sco tala. Sporadicamain èn inditgads er il lieu da chat u la dataziun da la noda-chasa.
La cartoteca da las nodas-chasa è classifitgada tenor in register ordinà tenor vischnancas/lieus.
Schelta da litteratura:
- Collenberg, Adolf. Nodas-chasa. En: Lexicon Istoric Retic (LIR).
- Guler, Peter. Rätselhafte Hauszeichen: mit 2005 Hauszeichen aus dem Prättigau und der Landschaft Davos. Cuira 1992.
- Las nodas-tgesa. En: Igl Noss Sulom 20 (1941), p. 45-61.
- Meng, Johann Ulrich. Hauszeichen, Ohrenzeichen und hölzerne Grundtitel. En: Bündner Monatsblatt 5/6 (1977), p. 175-180.