Navigation

Inhaltsbereich

Collecziun da vopnas

Casura Wappen

Vopnas da famiglia

En l'archiv dal stadi dal Grischun sa chatta la collecziun la pli gronda da vopnas da famiglias grischunas, e quai en emprima lingia en furma da diapositivs (ca. 7000 dias).
Questa collecziun da vopnas po vegnir utilisada cun agid d'ina cartoteca alfabetica.
Cunter ina taxa vegnan consegnadas copias da las singulas vopnas da famiglia (en colur u en alv e nair), senza dentant garantir per l'identitad genealogica ed eraldica.

Vopnas da las vischnancas e dals circuls

Decisiv per preschentar e per descriver la vopna dal chantun sco er las vopnas da las vischnancas e dals circuls è il "Wappenbuch des Kantons Graubünden", edì da la chanzlia chantunala dal Grischun, Cuira 1982.

Cudeschs eraldics

Il cudesch eraldic Amstein è ina collecziun cun differentas vopnas da famiglia grischunas ch'èn vegnidas rimnadas da Johann Rudolf Amstein (1777-1861). Amstein era maior da la milissa chantunala grischuna, ma er in observader da la natira e dissegnader talentà. Ultra dal cudesch eraldic ha el dissegnà ina charta geografica dal chantun ed ha promovì ils fatgs da scola chantunals.
Il cudesch eraldic da Gieri Casura (1877–1939) [Link PDF] cuntegna differentas vopnas da la Val dal Rain anteriur. Il genealog ed eraldicher autodidactic ha resumà «tut las vopnas da famiglia cuntanschiblas fin ussa da la Val dal Rain anteriur dal Grischun». Il resultat è ina collecziun bella e detagliada cun vopnas coluradas da famiglias burgaisas.
Copias d'auta resoluziun da las vopnas pon vegnir empustadas tar l'Archiv dal stadi.