Navigation

Inhaltsbereich

Classa da partenadi

  • Sin la plattafurma match&move da Movetia pon scolas e persunas d'instrucziun che vulan organisar in barat da scola preschentar lur project e tschertgar ina classa da partenadi adattada cun paucs clics. 
  • Tschertgai in potenzial partenadi da barat en l'atgna rait da relaziuns (collegas da lavur, enconuschents).
  • Contactai ina persuna d'instrucziun grischuna che ha gia organisà in barat. Tuttas indicaziuns chattais Vus sut contacts.
  • Ultra da quai As po gidar l'inspecturat districtural responsabel a tschertgar ina classa da partenadi.

Alloschi

Portals / paginas web

Denominaziun

Descripziun

Movetia – planisaziun ed organisaziun

In assortiment da materials gidaivels per la planisaziun ed organisaziun d'activitads da barat, rimnà da Movetia, l'agentura naziunala per barat e mobilitad. Cun ideas per activitads, ina survista da plattafurmas davart il tema barat, glistas da controlla per il barat da classas ed ulteriurs documents.

a la purschida da Movetia

Intermundo – Infoteca

L'associaziun tetgala per la promoziun dal barat da giuvenils Intermundo metta gratuitamain a disposiziun materials ed infurmaziuns per differentas gruppas d'interess sco scolas, interpresas, famiglias ospitantas sco er persunas che s'interesseschan per il barat.

a la purschida d'Intermundo

PluriMobil

Ils materials da PluriMobil gidan a preparar, accumpagnar ed evaluar ils process d'emprender en rama da projects da barat, segiurns linguistics u inscunters digitals.

a la purschida dal European Centre for Modern Languages

Barat digital – webinar 

Communicaziun digitala u virtuala è daditg francada en ils projects da barat. Scriver e-mails, trametter videos u audios, elavurar documents en lingia u far ina conferenza da video – las pussaivladads èn multifaras. Movetia gida da realisar barats digitals en furma da webinars gratuits.

a la purschida da Movetia

friportail

Per sustegnair l'organisaziun da barats sin il stgalim secundar I metta il portal pedagogic dal chantun da Friburg gratuitamain a disposiziun ideas per activitads, rapports d'experientschas e bleras ulteriuras infurmaziuns. Sur la plattafurma po ultra da quai vegnir tschertgada ina classa da partenadi.

a la purschida da chantun da Friburg

Portals 321

Moduls tematics cun activitads ed exercizis per tuttas vegliadetgnas per pudair emprender independentamain talian u franzos sin ils nivels A1-B2. Cun materials autentics sco artitgels da gasettas, emissiuns da radio u televisiun, webcasts, films curts, videos musicals euv. Dasper l'enconuschientscha da la lingua po uschia vegnida schlargiada la savida davart las regiuns talianas u franzosas dalla Svizra.

a la purschida da321via.ch (talian)
a la purschida 321partez.ch (franzos)

Italiano subito

Italiano subito pussibilitescha d'offrir a scolas dal stgalim secundar I da la Svizra tudestga in'emna da project taliana all inclusive.

a la purschida da la scol'auta pedagogica dal Tessin