Sin invit da la regenza ha il consul general da la Frantscha a Turitg, Jean-Jacques Victor, visità oz il chantun Grischun.

Il consul general franzos Jean-Jacques Victor è vegnì beneventà oz en la chasa grischa a Cuira dal president da la regenza Christian Rathgeb e dal chancelier Claudio Riesen. Il consul general è vegnì accumpagnà da Fabrice Lelouvier, directur general da Business France Suisse. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns dal chantun cun l'exteriur. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.


Fotografia agiuntada:

Il consul general Jean-Jacques Victor (segund da sanestra), accumpagnà da Fabrice Lelouvier, vegn beneventà dal president da la regenza Christian Rathgeb (sanestra) sco er dal chancelier Claudio Riesen (dretga).


Gremi: regenza
Funtauna: rg chanzlia chantunala dal Grischun