Sin invit da la regenza grischuna visita la regenza dal chantun Sviz oz il chantun Grischun.

A chaschun da sia visita dal chantun Grischun vegn la delegaziun da Sviz manada dal president da la regenza Andreas Barraud. Accumpagnà vegn el dal vicepresident da la regenza Othmar Reichmuth, da la cussegliera guvernativa Petra Steimen-Rickenbacher sco er dals cussegliers guvernativs Kurt Zibung, Walter Stählin, Kaspar Michel ed André Rüegsegger e dal chancelier Mathias Brun.

Ils giasts èn vegnids retschavids oz en damaun en la chasa grischa a Cuira. Suenter èn stads sin il program ina visita da la Hamilton Panaduz SA, il gentar sco er in'excursiun al museum da militar St. Luzisteig. La visita terminescha cun ina degustaziun en il center da viticultura a Jenins.

La regenza grischuna ha visità il chantun Sviz il penultim onn. La cuntravisita da la regenza dal chantun Sviz serva en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.

Fotografias agiuntadas:

Il president da la regenza grischuna Christian Rathgeb (a dretga) ed il president da la regenza dal chantun Sviz Andreas Barraud.


Las delegaziuns dal Grischun e da Sviz cun ils presidents da las regenzas Christian Rathgeb ed Andreas Barraud (amez) davant la chasa grischa a Cuira.

Gremi: regenza
Funtauna: rg chanzlia chantunala dal Grischun