Cuntegn da la pagina

Archiv updates

Update 15-04-2020, 08.40

La Regenza conceda contribuziuns extraordinarias per segirar la tgira d'uffants cumplementara a la famiglia
La Regenza vul garantir la finanziaziun da las purschidas da la tgira d'uffants cumplementara a la famiglia en la situaziun actuala da corona. Per quest intent metta ella a disposiziun ina finanziaziun extraordinaria. 

Communicaziun a las medias         

 

Update 14-04-2020, 14.40

Crisa da corona: discurs tranter la Lumbardia ed il Grischun
Il president da la Regenza Christian Rathgeb ha manà oz cun Massimo Sertori, commember da la Regenza (assessur) da la regiun Lumbardia per corporaziuns da dretg public, territoris da muntogna e relaziuns cun la Confederaziun, discurs davart il cumbat cunter la crisa da corona. En quest connex èn er vegnidas tractadas mesiras cunter la derasaziun dal virus.         

Communicaziun a las medias         

 

Update 09-04-2020, 17.20

Crisa da corona: Visita da la Regenza en las vals dal sid – apparat da respiraziun mobil per il Puschlav
Ina delegaziun da la Regenza e dal Stab directiv chantunal ha visità oz gievgia il Puschlav e la Bregaglia. En scuntradas individualas cun represchentantas e represchentants dals fatgs da sanadad, da la politica, da l'economia e da la Protecziun civila han il president da la Regenza Christian Rathgeb ed il cusseglier guvernativ Marcus Caduff pudì sa far in maletg da la situaziun en il territori da cunfin cun l'Italia. Il Centro sanitario Val Poschiavo ha survegnì da la Protecziun civila il medem di in apparat da respiraziun mobil ch'era vegnì empustà da la Confederaziun. 

Communicaziun a las medias         

 

Update 09-04-2020, 16.00

Coronavirus: Bund initiiert Verbindungsstelle zur Zivilgesellschaft
Der Bund richtet einen Kanal zwischen der Bundesverwaltung und der Zivilgesellschaft ein, um deren Engagement zur Bewältigung der Corona-Krise noch besser zu nutzen. Dafür baut er in Zusammenarbeit mit der Organisation staatslabor die «COVID-19 Verbindungsstelle Zivilgesellschaft» auf. 

Communicaziun a las medias

 

Update 09-04-2020, 15.00

Einigung auf schweizweit abgestimmte Durchführung der Lehrabschlussprüfungen 2020
Unter der Leitung von Bundesrat Guy Parmelin haben sich Bund, Kantone und Sozialpartner an einem ausserordentlichen Nationalen Spitzentreffen der Berufsbildung vom 9. April 2020 auf eine schweizweit abgestimmte Lösung geeinigt, um den diesjährigen Lehrabgängerinnen und Lehrabgängern ihren Berufsabschluss zu ermöglichen. Für die Überprüfung der praktischen Arbeit wird pro berufliche Grundbildung eine schweizweit durchführbare Variante gewählt. Die schulischen Prüfungen in den Berufskenntnissen und der Allgemeinbildung finden nicht statt, hier zählen die Erfahrungsnoten. Die Sicherstellung der Gesundheit und Sicherheit aller Beteiligten ist oberstes Gebot. 

Communicaziun a las medias         

 

Update 09-04-2020, 13.00

Coronavirus: Mit weiteren Massnahmen krisenbedingte Konkurswelle verhindern 
Der Bundesrat will Massnahmen ergreifen, um Schweizer Unternehmen vor einem coronabedingten Konkurs zu bewahren. Er hat das Eidgenössische Justiz- und Polizeidepartement (EJPD) am 8. April 2020 beauftragt, ihm nächste Woche entsprechende Vorschläge zu unterbreiten. Zugleich hat der Bundesrat entschieden, den Rechtsstillstand im Betreibungswesen und die Gerichtsferien nicht zu verlängern. 

Communicaziun a las medias         

 

Update 09-04-2020, 09.00

Avert ulteriurs alloschis cun il sustegn da la Protecziun civila per proteger requirentas e requirents d'asil sco er collavuraturas e collavuraturs
L'Uffizi da migraziun e da dretg civil ha realisà svelt e consequentamain las prescripziuns da la Confederaziun en il sectur d'asil. Per proteger las requirentas ed ils requirents d'asil sco er las collavuraturas ed ils collavuraturs da l'Uffizi da migraziun e da dretg civil cunter il coronavirus vegnan las mesiras d'igiena applitgadas en moda consequenta. En collavuraziun cun la Protecziun civila vegnan plinavant averts u preparads ulteriurs alloschis per stgaffir plazza supplementara per pudair observar ina distanza segira. L'Uffizi da migraziun e da dretg civil examinescha cuntinuadamain la situaziun actuala ed adatta correspundentamain sias mesiras per garantir la segirezza dals umans.

Communicaziun a las medias         

 

Update 08-04-2020, 17.30

Medienmitteilungen des Bundesrates vom 08.04.2020

Coronavirus: Bundesrat verlängert Massnahmen um eine Woche und beschliesst etappenweise Lockerung

Coronavirus: Anpassungen im Bereich der Kurzarbeitsentschädigung und Szenarien für die Schweizer Konjunktur

Coronavirus: Bundesrat ruft Mietparteien auf, Lösungen bei Geschäftsmieten zu finden

Coronavirus: Bundesrat setzt Zölle für medizinische Güter aus

 

Update 08-04-2020, 13.30

Maisa radunda a Roveredo cun represchentants da la regiun Moesa
Il president da la regenza Christian Rathgeb ed il schef dal Stab directiv chantunal Martin Bühler èn sa scuntrads oz a Roveredo cun il president da la regiun Moesa Christian De Tann, cun il deputà da Roveredo Manuel Atanes, cun il deputà e president communal da Grono Samuele Censi, cun il president communal da Roveredo Guido Schenini sco er cun il schef dal Stab directiv regiunal da la regiun Moesa Moreno Monticelli.

Communicaziun a las medias         

 

Update 08-04-2020, 10.00

La Regenza ha prendì ulteriuras mesiras per mitigiar las consequenzas dal coronavirus
Las consequenzas per il sectur da la cultura e dal sport pervia da la derasaziun dal coronavirus èn fitg grondas. Pervia da quai ha la Regenza prendì – per cumplettar il program da sustegn da la Confederaziun – mesiras per metter a disposiziun 3 milliuns francs per la cultura ed 1 milliun francs per il sport.

Communicaziun a las medias         

 

Update 07-04-2020, 13.30

La stagiun da construcziun 2020 cumenza 
En il Grischun vegni puspè construì. Sin la rait da vias chantunalas, che ha ina lunghezza da var 1360 kilometers, èn planisads l’onn 2020 previsiblamain 69 plazzals sin las vias principalas e 103 plazzals sin las vias da colliaziun. Sin 80 plazzals vegn Il traffic reglà cun amplas. Durant il temp da construcziun procura l’Uffizi da construcziun bassa dal Grischun ch’il traffic circuleschia optimalmain.

"TBA-Info" Uffizi da construcziun bassa

 

Update 06-04-2020, 17.00

Nova helpline per il chantun Grischun: 081 254 16 36 
A partir da damaun mardi è en funcziun sut il numer 081 254 16 36 in servetsch telefonic per l'emprim agid psicologic en il chantun Grischun (uras da manaschi: 09.00 fin 17.00)

Communicaziun a las medias         

 

Update 02-04-2020, 08.30

Agid e sustegn en cas da violenza en la lètg, en il partenadi ed en la famiglia
La situaziun actuala cun mesiras cunter la derasaziun dal coronavirus po chaschunar conflicts e provocar violenza en relaziuns ed en famiglias. Las persunas pertutgadas n'èn betg sulettas. Violenza a chasa è scumandada e n'è betg ina chaussa privata. En il Grischun porschan differents posts agid, protecziun e cussegliaziun. Questas purschidas da cussegliaziun e da sustegn stattan a disposiziun er vinavant a persunas pertutgadas. Cun il slogan "HAJAS CURASCHI!" duain las persunas pertutgadas vegnir encuraschadas da tschertgar agid e sustegn. Pli baud ch'ellas fan quai, e meglier ch'igl è. 

Communicaziun a las medias             

 

Update 01-04-2020, 14.30

Il cusseglier guvernativ Jon Domenic Parolini ha visità ensemen cun il president dal Cussegl grond dal chantun Grischun Alessandro della Vedova las scolas a Roveredo
Ils 14 da mars 2020, pia il di suenter la serrada da las scolas, ha l'Inspecturat da scola stabilì ina colliaziun directa tar las direcziuns da scola en tut las linguas chantunalas. En stretga collavuraziun cun il Departament d'educaziun, cultura e protecziun da l'ambient han pudì vegnir scleridas numerusas dumondas concernent il manaschi da scola. Questa collavuraziun ch'exista vinavant rinforza las scolas er cun sguard sin il futur. 

Communicaziun a las medias             

 

Update 01-04-2020, 09.30

La Cumissiun dal Cussegl grond per economia e taxas sustegna il pachet da mesiras da la Regenza
La Cumissiun per economia e taxas (CET) è vegnida infurmada gia baud dal cusseglier guvernativ Marcus Caduff, schef dal Departament d'economia publica e fatgs socials, davart il pachet economic da la Regenza. Las mesiras deliberadas da la Regenza gidan a mitigiar las consequenzas economicas che resultan da las ordinaziuns per cumbatter il coronavirus.

Communicaziun a las medias             

 

Update 01-04-2020, 09.00

Sistida dals termins per las iniziativas ed ils referendums 
La Regenza ha concludì da sistir ils termins per las iniziativas ed ils referendums sin plaun chantunal e communal, en las corporaziuns da vischnancas ed en las regiuns.

Communicaziun a las medias

 

Update 31-03-2020, 14.30

Coronavirus: Scuntrada tranter las Regenzas dal chantun Tessin e dal chantun Grischun
Ier saira èn s'inscuntradas a Bellinzona las delegaziuns da las Regenzas dal chantun Grischun, represchentà tras il president da la Regenza Christian Rathgeb e tras il cusseglier guvernativ Peter Peyer, sco er dal chantun Tessin, represchentà tras il president da la Regenza Christian Vitta e tras ils cussegliers guvernativs Raffaele de Rosa e Norman Gobbi, per discutar la coordinaziun en il cumbat cunter il coronavirus. En il rom da l'inscunter, al qual er il cusseglier federal Ignazio Cassis è stà preschent, han las duas Regenzas garantì il sustegn vicendaivel. En cas da basegn gidan ils dus chantuns in l'auter cun persunal spezialisà e cun letgs intensivs. Plinavant appelleschan ils dus chantuns a las possessuras ed als possessurs d'abitaziuns secundaras sco er a las turistas ed als turists da restrenscher lur mobilitad per betg engrevgiar supplementarmain las infrastructuras da sanadad en il Tessin ed en il Grischun.

Communicaziun a las medias             

 

Update 30-03-2020, 10.10

La Regenza ha preparà in pachet per mitigiar las consequenzas economicas da la crisa da corona
Las interpresas pertutgadas finanzialmain da la crisa da corona duain pudair segirar per gronda part las plazzas da lavur e las entradas. Perquai sustegna la Regenza l'economia grischuna supplementarmain cun 80 milliuns francs, ed ella ha preparà in pachet cun differentas mesiras d'accumpagnament.

Communicaziun a las medias             

 

Update 27-03-2020, 17.40

Il provediment da la sanadad en il chantun è anc adina garantì
Il Cussegl federal ha concludì oz da permetter als chantuns da restrenscher u da sistir per in curt temp l'activitad da tschertas branschas economicas en il cumbat cunter il coronavirus, sche la situaziun epidemiologica pretenda quai. Quai dentant mo sut premissas severas. Per la Regenza n'èn questas premissas actualmain ademplidas en naginas regiuns dal chantun. Ella vegn dentant a giuditgar permanentamain da nov la situaziun, en spezial en las regiuns Moesa e Bernina.

Communicaziun a las medias

 

Update 27-03-2020, 14.50

Medienkonferenz des Bundesrates

Kantone können in Ausnahmefällen kurzzeitig zusätzliche Massnahmen beantragen

Zügeln ist unter Einhaltung der BAG-Vorgaben möglich

Bundesrat genehmigt die Deaktivierung des antizyklischen Kapitalpuffers

 

Update 25-03-2020, 19.00

Crisa da corona: Situaziun dals plazzals en il Grischun
Il Cussegl federal ha orientà oz davart ulteriuras mesiras per sustegnair las lavurantas ed ils lavurants. Sustegnidas pli fitg vegnan en spezial persunas dischoccupadas. Anc nagina soluziun definitiva n'è vegnida chattada per la serrada da plazzals. Il chantun Grischun intensivescha sias controllas. Las disposiziuns che valan actualmain permettan da serrar manaschis.

Communicaziun a las medias

 

Update 24-03-2020, 19.00

Crisa da corona: buna enclegientscha tranter il chantun e las vischnancas dal Grischun dal sid
L'Engiadina e las vals dal sid èn actualmain pertutgadas pli fitg da la crisa da corona che las autras regiuns dal Grischun. Pervia da quai èsi fitg impurtant da sa barattar regularmain, da far raits, d'agir en moda solidarica e da realisar las mesiras ordinadas da la Confederaziun en moda cuminaivla e consequenta. Il chantun vegnia a far tut per tut las regiuns per dumagnar la situaziun han empermess ils cussegliers guvernativs Peter Peyer e Marcus Caduff ad ina scuntrada cun represchentants regiunals a Puntraschigna.

Communicaziun a las medias

 

Update 24-03-2020, 14.00

Scumond da far fieu en tut il chantun
Sin l'entir territori chantunal vala a partir dals 25 da mars 2020 fin a la revocaziun in scumond general da far fieu. Exceptada da quai è la zona d'abitadi, uschenavant ch'i po vegnir observada ina distanza dal guaud da 50 meters.

Communicaziun a las medias

 

Update 24-03-2020, 09.15

La sessiun d'avrigl 2020 dal Cussegl grond dal Grischun n'ha betg lieu
La Conferenza da las presidentas e dals presidents dal Cussegl grond dal chantun Grischun ha decidì en sia sesida dals 23 da mars 2020 da dir giu la sessiun d'avrigl 2020 (20 – 23 d'avrigl).

Communicaziun a las medias

 

Update 23-03-2020, 18.50

Gemeinsame Positionen zwischen der Kantonsregierung und der Moesa
Die Bündner Regierung versteht die Sorgen der Region Moesa über die Weiterverbreitung des Coronavirus in ihren Tälern. Eine Delegation der Regierung und des Kantonalen Führungsstabes besuchte heute die Region Moesa und traf mit Vertretern der Region zusammen. Sie unterstrich ihre Haltung, dass die Massnahmen des Bundes nach dessen Vorgaben umgesetzt werden müssen und kantonale Alleingänge nicht zielführend seien.

Communicaziun a las medias

 

Update 22-03-2020, 17.40

La Regenza dal chantun Grischun è s'occupada oz da la situaziun speziala da las vals dal Grischun dal sid. Ina delegaziun da la Regenza e dal Stab directiv chantunal vegn a visitar la regiun Moesa e l'Engiadina, ed a sa scuntrar cun represchentantas e represchentants da las regiuns cunfinantas cun il Tessin e cun l'Italia. En concordanza cun la Confederaziun refusa la Regenza da serrar cumplettamain tut ils plazzals.

Communicaziun a las medias


Update 22-03-2020, 16.10

Manaschi sin ils plazzals en il chantun Grischun
En ina brev han deputadas e deputads da la regiun Moesa dumandà la Regenza da serrar ils plazzals en lur regiun. Els teman che las mesiras da la Confederaziun per proteger las lavurantas ed ils lavurants sco er per impedir l'ulteriura derasaziun dal coronavirus na possian betg vegnir observadas.

Il Cussegl federal ha fixà cler e net ch'ils plazzals na dastgan da princip betg vegnir serrads. Ils plazzals che observan las prescripziuns da l'Uffizi federal da sanadad publica pertutgant l'igiena e la distanza sociala, dastgan restar en funcziun.

Il Cussegl federal ha rendì attent ils chantuns ch'els na pon betg ordinar mesiras che van pli lunsch che quellas ch'il Cussegl federal ha prendì. Sch'in chantun ordinass mesiras che van pli lunsch, pudess quai avair per consequenza che interpresas che ston serrar lur manaschi, na pudessan betg profitar dals meds finanzials federals.

Il chantun Grischun chapescha ils quitads da las regiuns cunfinantas cun il Tessin u cun l'Italia. Però il chantun na vegn betg a pudair reglar il manaschi dals plazzals pli severamain che las mesiras ordinadas dal Cussegl federal.

Pertutgant l'interpretaziun da las prescripziuns dal Cussegl federal constatescha il chantun:

  • Da princip dastgan plazzals vegnir manads vinavant.
  • Ils gestiunaris dals plazzals èn envidads da sclerir, sche e co ch'els pon observar las prescripziuns da l'Uffizi federal da sanadad publica pertutgant l'igiena e la distanza sociala. Eventualmain ston els examinar da reducir il dumber dals collavuraturs activs sin il plazzal. Correspundentamain ston ils gestiunaris dals plazzals realisar las mesiras d'igiena e da distanza. Ils gestiunaris dals plazzals ston serrar dal tuttafatg u per part lur plazzals, sch'els na pon betg ademplir las prescripziuns da l'Uffizi federal da sanadad publica.
  • Ils gestiunaris dals plazzals che reusseschan d'observar las prescripziuns da l'Uffizi federal da sanadad publica pertutgant l'igiena e la distanza sociala, dastgan manar vinavant lur plazzals.
  • A partir da l'emna proxima vegnan la SUVA e l'Inspecturat da lavur a rinforzar lur activitad da controlla. Il chantun discuta questa situaziun er cun la Societad grischuna dals impressaris constructurs e cun las cumissiuns pariteticas. Sche las prescripziuns na vegnan betg observadas, pon las autoritads da controlla en in emprim pass ordinar correcturas ed en in ulteriur pass serrar tals plazzals.

Il SECO ha publitgà ina glista da controlla, co ch'ins sto garantir la protecziun dal coronavirus (COVID-19) sin plazzals. Ils puncts che figureschan sin questa glista ston vegnir ademplids per ch'in plazzal possia vegnir manà vinavant. La glista da controlla chattais Vus sut il suandant link: glista da controlla SECO


Update 20-03-2020, 16.00

La purschida dal traffic public en il Grischun vegn reducida
Pervia da la situaziun extraordinaria chaschunada dal coronavirus vegn realisà l'urari transitoric primarmain a partir da gievgia, ils 26 da mars 2020. La finamira da quel è da laschar funcziunar ina purschida da basa uschè ditg sco pussaivel. Ina tala purschida da basa è fitg impurtanta per la societad e per l'economia en noss chantun. L'urari online vegn actualisà mintgamai il pli tard a las 20.00 dal di avant.

 

Update 20-03-2020, 15.00: a partir d'immediat valan las suandantas directivas
-


Update 20-03-2020, 14.00

Las mesiras ch'èn necessarias per franar la derasaziun dal coronavirus han consequenzas per ils dretgs politics. Quai vala en spezial per l'organisaziun e per la realisaziun da la votaziun federala dal pievel ordinada dals 17 da matg 2020. Il Cussegl federal ha decidì ils 18 da mars 2020 da renunziar da manar tras la votaziun federala dal pievel previsa ils 17 da matg 2020.

Questas conclusiuns sa laschan da princip transferir er sin las elecziuns da las dretgiras regiunalas, uschenavant ch'i dat là scrutinis libers publics. Perquai ha la Regenza concludì ils 20 da mars 2020 il suandant:

  1. Las elecziuns da las dretgiras regiunalas, che la Regenza aveva ordinà cun il conclus dals 17 da december 2019 per ils 17 da matg 2020, n'han betg lieu en quai che reguarda ils scrutinis libers publics necessaris. Correspundentamain scrodan er eventuals segunds scrutinis terminads preventivamain per ils 7 da zercladur 2020.
  2. Cur ch'igl è uschè lunsch, vegn la Regenza ad ordinar danovamain la realisaziun dals scrutinis publics.
  3. Betg pertutgadas da quest spustament n'èn las elecziuns taciturnas reussidas.

Update 19-03-2020, 11.00

Il Stab directiv chantunal dal Grischun sustegna l'agid da buna vischinanza ed intermediescha persunal spezialisà: Per quest intent ha el mess a disposiziun sin la pagina d'internet www.gr.ch/coronavirus la plattafurma d'intermediaziun "Il Grischun GIDA".


Update 19-03-2020, 10.30

Scolinas, scolas primaras, scolas spezialas, canortas d'uffants e d'uffants pitschens sco er geniturs da di en il chantun Grischun tgiran vinavant ils uffants che na pon betg vegnir tgirads a chasa. Il chantun ha relaschà directivas correspundentas per realisar l'ordinaziun dal Cussegl federal. La purschida da tgira ch'è vegnida installada a curta vista per questa emna vegn pia manada vinavant, gruppas da gieu percunter vegnan serradas.

Link Dokument


Update 17-03-2020, 17.00

Recumandaziun dal Cussegl federal: Restai a chasa, oravant tut sche Vus essas attempada resp. attempà ubain malsauna resp. malsaun. Danor, sche Vus stuais ir a la lavur e sch’i n’è betg pussaivel da far home-office; sche Vus stuais ir tar la media resp. tar il medi u en l’apoteca; sche Vus stuais ir a far cumpras u sche Vus stuais gidar insatgi.
Il Cussegl federal e la Svizra quinta cun Vus!


Update 17-03-2020, 16.30

Pervia dal coronavirus vegnan tut ils cunfins svizzers puspè controllads sistematicamain. En il Grischun vegnan serrads ils cunfins cun l'Italia e cun l'Austria tranter las 20.00 e las 05.00. Il passadi per Samignun è garantì er vinavant. Ils cunfins tranter la Svizra e l'Austria e tranter l'Austria ed il Principadi da Liechtenstein èn per part serrads. Il traffic vegn chanalisà sur ils posts da cunfin principals. L'entrada en Svizra nà dals pajais vischins è permessa mo pli a burgaisas e burgais svizzers, a persunas cun ina permissiun da dimora en Svizra sco er a persunas che ston entrar en Svizra per motivs professiunals. Er il traffic da transit e da rauba è permess vinavant. Persunas en ina situaziun absolutamain urgenta dastgan medemamain entrar en Svizra. Las mesiras servan a proteger la populaziun svizra sco er a mantegnair las capacitads dal sectur da sanadad svizzer.


Update 17-03-2020, 14.45

COVID 19: Mortori en il Grischun
Il nov coronavirus ha chaschunà en il chantun Grischun in cas mortal: En la Val Puschlav è morta ina dunna da 78 onns durant la notg sin il mardi. Gia avant l'infecziun cun il coronavirus pativa la dunna dad ina malsogna preexistenta. Per proteger las confamigliaras ed ils confamigliars na vegnan fatgas naginas indicaziuns supplementaras davart quest u davart auters mortoris.


Update 16-03-2020, 20.00

La Regenza dal chantun Grischun ha prendì posiziun oz tar las novas mesiras dal Cussegl federal (videostream).


Update 16-03-2020, 18.00

Oz ha il Cussegl federal declerà la "situaziun extraordinaria" e rinforzà anc pli fitg las mesiras per la protecziun da la populaziun. Questas novas mesiras n'èn anc betg cuntegnidas en las disposiziuns dal chantun Grischun qua sutvart. Nus ans stentain d'integrar quellas qua uschè svelt sco pussaivel.